مرحبا يا جماعة ... والله هادا مو موضوع ... بس عم ناخد ونعطي مع بعض
قاعد عم فكر بقصة صارت معي اليوم الصبح ... هي أقل من عادية وأنا متأكد إنها صايرة مع كتير منكون إذا مو الكل
الصبحيات بنفتح (( الابتوبات ))و وبنشوف الايميلات والفايلات كالعادة
بلاقي إيميل من واحد من صحابي باعتلي ياه , عنوانو:
صورة مقـدســـة (لا تهملها لكن إذا فتحتها عليك إعادة إرساله)
فتحت هالايميل لشوف شو فيه
الايميل عبارة عن صورة دينية عادية, عادية متلها متل أي صورة
ومكتوب تحتها:
وصلت هذه الرسالة الالكترونية الى رئيس دولة الأرجنتين الذى قام بشطبها فورا دون قراءتها اعتقادا منه انها من نفايات الانترنت- بعد ثمانية أيام توفى ابنه- شخص آخر وصلته هذه الرسالة وقام بارسالها الى عديدين من معارفه-بعد أيام كسب اللوترى-شخص آخر اسمه ألبرتو مارتينيه وصلته نفس الرسالة بالصورة - قام باعطائها الى سكرتيرته طالبا منها ارسال صورا عديدة منها الى أصدقاؤه لكنها نسيت ارسالها للعديدين - هى فقدت وظيفتها وهو فقد عائلته
يلي زعجني أكتر شي بالموضوع إنو صاحبي هادا إنسان مثقف وفهمان , كيف ممكن يصدق هيك - خزعبلات - !!!!!
لأ وبسألو إذا صدق هيك حكاية!!! فبيجاوبني إنو لا تنام بين القبور ولا تشوف منامات وحشة
ماكان مني غير إني رديتلو بإيميل سبيت فيه رئيس الارجنتين والأخ ألبيرتو وسكرتيرتو الدبة ... وبهدلت رفيقي والي باعتلو ياه
يعني معقول إسى في ناس بهالأيام هاي بتآمن بهيك قصص ؟؟؟؟
هاي ناس ملحدة بنظري لأنها ما بتعرف كلمة الله شو بتعني, لما الله ممكن يقتل العائلات من أطفال ونساء بس لأنو واحد ما بعت هيك إيميل, وين الوعي صار ؟؟؟
نحن كاسلام نؤمن بالله الواحد الاحد القهّار وبأهم صفاته يلي هيي الرحمة .... فديننا الاسلامي أسمى من هيك بكتير
....
بالآخر ... بعتذر إذا موضوعي في شي بيمس الدين , وبعتذر من الأعضاء إذا زعجت حدا بحكي
وبتمنى المناقشة الجادة ... على القليلة لأعرف رأي الأعضاء إذا أنا الغلط أو لأ