انا ولليل

أنا يا ليل ماني لمسامرك ولهان

بس الهم اعتراني و دوم يباريني

جيت ابشكيلك همي و قلبي الحيران

من حرك اوجاعي و غربة سنيني

من فرقاه عذب الروح و القلب تعبان

ابشكيلك و ادريك ما تقدر تواسيني

حالك مثل حالي بكثر الهموم غرقان

لكن شوقي لهلي و خلاني سكن فيني

و زادها غربتي و بعدي عن الأوطان

و لا من ونيس أنشده لوحدتي يسليني

يشاركني بهمي و يقاسمني الأحزان

يناولني دواي و انا العليل و يداويني

علامك يا ليل تبكي لحالي بكتمان

و دموعك من الحزن دحدرت من عيني

ما ظنيتك يا ليل مثلي تعاني الحرمان

و لا تشتكي من حر شوق سكن فيني

انت للعشاق و سهارى الحب عنوان

و أنا الغربة و شوقي للأهل عناويني

تعبت ازرع بالأماني و الصبر بستان

تعبت ولاني قادر بعد اسقي بساتيني