يا كـم طعنـه بقلبـي ما تكفينـي
يا كيف بصبر على طعنات خلاني
ما غير قلبي مشوه وباقـي فينـي
مكان لك تطعن وتجرح وتعصاني
يا زين ما أطلبك ذا الحين ترضيني
يا زين راضي بما الرزاق أعطاني
كأنك تظن العـذر بالحيل يشفينـي
وتروح عند البشر وتقول راضانـي
ما هو زمانك لأجل عذرك ينسّينـي
ولا هـو جمالك هذاك اللي تبلانـي
أنا عشقتك يوم أن العشق يعنينـي
والحين لا والـذي سواك وسوانـي
ما عاد يطري علي ولا عاد يطريني
وأنا بعـد ما أبي مخلـوق يهوانـي
يكفيني مرة عشقت وللحين مغنينـي
عن النجوم والقمر لو غـاب بكانـي
وإذا رماني الهوى والشوق مضنيني
مسكت أنا ها لقلم واطفيت نيرانـي
ولا الهـوى ما أظنه عـاد يلفينـي
قفلت بابــه وقلت الله لا يبلانـــي
رســـــــــــــــــــــــــــــــــــــــــــ الكلمات ــــــــــــــــــــــــــــــــــــــــــــام
